Lise Askvik har ei svært allsidig karriere. Med utdanning i språk, økonomi og journalistikk byrja ho i radioen i 1993. Frå då av har ho vore i TV både som programleiar og kjendisreportar. Medan ho jobba i TV2 og TVNorge, dreiv ho også nettsida parforhold.no. I tre år var ho i Norsk Ukeblad. Hausten 2003 byrja ho igjen i radio P4, med mellom anna mediekritikk i humorprogrammet «Oss megger imellom».
Kampen hennar for rettane til kvinner med brystkreft må trekkjast fram som eit viktig pluss i den lange CV-en hennar. I 2011 og 2012 gjekk ho sjølv igjennom vellukka behandling for brystkreft. Etter 14 år i P4 slutta ho for å gå inn i politikken og stifta det riksdekkande Helsepartiet i 2017.
Ho har også skrive fleire bøker med ulike tema, mellom anna to om helse på Aschehoug forlag.
No er Lise Askvik å høyre på Radio Vinyl som hyggeleg selskap kvar laurdag og søndag, der ho spel og pratar om mykje god musikk.