22. mai - 4. juni 2024. Velkommen med på det store cruiset i Vesterled. Det er ikkje ofte sjansen byr seg til å oppleve så mange av desse interessante øyane - både store og små - på ei reise! Vi startar i London, før vi seglar til Kirkwall på Orknøyane og vidare til Torshavn på Færøyane. Skipet set så kurs nordover mot Reykjavik på Island før turen går rundt heile sagaøya med besøk i fleire hamner. Deretter seglar vi sørover igjen til Lerwick på Shetland før vi returnerer til London. Undervegs blir det spennande foredrag av Tore Skeie om vikinghistoria, og av Gunnstein Akselberg om dei språklege fellestrekka vi har med vesterhavsøyane.